Եվրամիությունը համաձայնեցրել է Ռուսաստանի դեմ պատժամիջոցների 17-րդ փաթեթը, այսօր Փարիզում հայտարարել է Ֆրանսիայի ԱԳ նախարար Ժան-Նոել Բարոն։
«Պատժամիջոցների թիրախում նախևառաջ հայտնվելու է ռուսական նավթամթերքներ տեղափոխող տանկերների «ստվերային նավատորմը», - հաղորդում է Reuters-ը:
Ըստ գործակալության՝ պատժամիջոցների կարող են ենթարկվել նաև Ռուսաստան երկակի նշանակության ապրանքներ վերաարտահանող 30 ընկերություններ, ինչպես նաև ռուսական ռազմարդյունաբերական ոլորտի հետ առնչություններ ունեցող 75 անհատներ։
